Suno Tum Laut Aao Na.....

Suno Tumne Kaha Tha Na!!
Mujhe  Jazb-e-Muhbbat Se Kabhi Jo Tum Pukaarogi
Main Us Din Laut Aaunga!!
To Dekho Na!!
Kayi Lamhon
Kayi Saalon
Kayi Sadiyon
Se Tera Raasta Takti
Yeh Meri Muntzar Aankhain
Mere Dil Ki Ye Dharkan Aur Saansein
Bus Tumhara Naam Leti Hain
Wahi Ek Wird Karti Hain
Meri Aankhon Ke Sahil Par
Teri Khwahish Ki Maujon Ne
Badi Halchal Machaai Hai
Teri Tasveer,Sukhe Phool Aur Tohfe!
Teri Chahat Ki Khushbu Mein
Abhi Tak Saans Laitay hain
Woh Sab Raste Ke jin par tum Humare Sath Chalte The
Woh sab Raste jahan teri Hansi k Phool Khilte the
Jahan Pedon ki Shaakhon par
Hum Apna Naam likhtay the
Udaasi Se Bhare Manzar
Tumhare Laut Kar Aane ki Umeedein Dilate Hain..
Suno Kuch Bhi Nahi Badla
Tumhare Paaun Ki Aawaz Sun’nay Ki
Mere Kamray Ki Betarteeb Cheezein Muntazir Hain
Suno!!!
Takmeel Paati Chaahton Ko Yun Adhoora To Nahi Choro
Mujhe Mat Aazmao Tum
Chalo Ab Laut Aao Tum!!!!